Die span by WFA Aanlyn Hoërskool is toegewy daaraan om ons studente te lei om hul unieke identiteit te ontdek en te ontwikkel. Ons is van mening dat sodra studente hul doel in die lewe kan definieer, ongelooflike verbeterings plaasvind op akademiese vlak asook sosiale interaksies. Scott Peck glo dat dissipline ‘n sleutelrol speel in mense se reis om hul doel te bepaal. Hy definieer dissipline as “die basiese stel gereedskap wat ons nodig het om lewensprobleme op te los.”
Daar is twee belangrike gewoontes wat help om dissipline te bou:
1. Vertraag bevrediging: Dit beteken ‘n balans tussen die uitdagings en vreugdes van die lewe waar die goeie oomblikke nog meer lonend raak. Dit kan gebeur indien mens die moeilike dinge eerste hanteer. Vir studente is dit byvoorbeeld om ‘n daaglikse skedule te volg waar hulle hul huiswerk en verpligtinge afhandel, voordat hulle saam met vriende kuier.
2. Neem verantwoordelikheid: Peck herinner ons daaraan dat ons slegs die lewe se probleme kan oplos indien ons eienaarskap daarvan neem. ‘n Student kan byvoorbeeld nie hul onderwyser blameer indien hy ‘n vak druip nie – selfs al is die materiaal nie goed verduidelik nie. Hulle moet verantwoordelikheid neem deur ander hulpbronne te soek of hulp te vra om die onderwerp beter te verstaan.
By WFA Aanlyn Hoërskool is ons daartoe verbind om altyd in die beste belang van ons studente op te tree. Alhoewel leerlinge ons leiding soms as streng of ongemaklik ervaar, glo ons dat ons leerders, onder ons toesig en begeleiding, sal groei tot suksesvolle en selfversekerde individue wat gereed is om besighede te lei en te bou.